តើគួរគ្រប់គ្រងលុយយ៉ាងដូចម្តេច?

ជំហានដំបូង ទៅរកសម្បត្ដិ!-៤

ប្រាក់បញ្ញើ/ប្រាក់សន្សំ ប្រៀបធៀបនឹង ការវិនិយោគ៖ វិធីគ្រប់គ្រងលុយដែលអ្នកទើបតែចាប់ផ្តើមដំបូងងាយយល់ច្រលំ “តើគួរគ្រប់គ្រងលុយយ៉ាងដូចម្តេច?” មនុស្សជាច្រើនច្រឡំពេលនិយាយពីការដាក់លុយក្នុងធនាគារ ឬការវិនិយោគ។ បើមិនបែងចែកអោយបានច្បាស់រវាង វិធីសន្សំឲ្យមានសុវត្ថិភាព និងវិធីបង្កើនទ្រព្យសម្បត្តិទេ​ អាចនាំអោយយើងជ្រើសរើសខុសបាន។ អត្ថបទនេះនឹងពន្យល់ឲ្យងាយយល់អំពីភាពខុសគ្នារវាងប្រាក់បញ្ញើ/ប្រាក់សន្សំ និងការវិនិយោគសម្រាប់អ្នកចាប់ផ្តើមថ្មីៗ។

1) ប្រាក់បញ្ញើ និងប្រាក់សន្សំ៖ ជំហានដំបូងដើម្បីរក្សាលុយឲ្យមានសុវត្ថិភាព សេវាកម្មហិរញ្ញវត្ថុដែលធម្មតាបំផុត គឺការដាក់លុយក្នុងធនាគារហើយទទួលការប្រាក់ដែលបានកំណត់ជាមុន។

ប្រាក់បញ្ញើ (ដាក់ថេរ)៖ ដាក់ចំនួនលុយណាមួយក្នុងរយៈពេលកំណត់មួយ រហូតដល់បញ្ចប់កិច្ចសន្យា ដើម្បីទទួលបាន ប្រាក់ដើម + ការប្រាក់។

ប្រាក់សន្សំប្រចាំខែ៖ ដាក់លុយសន្សំរាល់ខែក្នុងចំនួនថេរណាមួយ រហូតដល់ថ្ងៃកំណត់ដើម្បីទទួលបាន ប្រាក់ដើមដែលបានសន្សំសរុប + ការប្រាក់។

គុណសម្បត្តិ

ប្រាក់ដើមត្រូវបានការពារ (មិនងាយបាត់បង់)។

ចូលរួមបានងាយ និងសាមញ្ញ។

អត្រាការប្រាក់កំណត់មានស្ថេរភាព។

គុណវិបត្តិ

អត្រាការប្រាក់ទាបជាងការវិនិយោគ។

ពេលតម្លៃទំនិញឡើងថ្លៃ (អតិផរណា) អំណាចទិញនៃលុយអាចថយចុះ។

➡️ សរុប៖ អាចចាត់ទុកថាជា «ផលិតផលសម្រាប់រក្សាលុយ»។

2) ការវិនិយោគ៖ ការបង្កើនទ្រព្យសម្បត្តិដោយទទួលយកហានិភ័យ ការវិនិយោគមានន័យថា ទទួលយកហានិភ័យ ដើម្បីរំពឹងប្រាក់ចំណេញខ្ពស់ជាង។ គុណសម្បត្តិ

មានឱកាសទទួលប្រាក់ចំណេញ ខ្ពស់ជាងប្រាក់បញ្ញើ/សន្សំ។

ប្រសិនបើវិនិយោគរយៈពេលវែង អាចទទួលបានអត្ថប្រយោជន៍ពី ការកើនឡើង (compound effect)។

គុណវិបត្តិ

មិនធានាប្រាក់ដើម។

អាស្រ័យលើស្ថានភាពទីផ្សារ អាចមានការខាតបង់។

ត្រូវការការសិក្សា ព័ត៌មាន និងបទពិសោធន៍។

➡️ សរុប៖ ការវិនិយោគគឺ «ផលិតផលសម្រាប់បង្កើនលុយ» ប៉ុន្តែគួររៀន និងសាកល្បង ដោយកុំចាប់ផ្តើមភ្លាមៗដោយគ្មានចំណេះដឹងត្រឹមត្រូវ។

https://pay.ppcbank.com.kh/ 3) អ្នកចាប់ផ្តើមគួរធ្វើដូចម្តេច? មិនចាំបាច់ចាប់ផ្តើមពីវិនិយោគភ្លាមៗទេ។ សូមបង្កើតទំលាប់ សន្សំឲ្យបានសុវត្ថិភាពជាមុន ហើយរៀនអំពីការវិនិយោគបន្តិចម្តងៗ។ គន្លឹះអនុវត្ត

ពេលប្រាក់ខែចូល សូមកំណត់​ ប្រាក់សន្សំប្រចាំខែដោយស្វ័យប្រវត្តិ ជាមុនសិន។

កុំភ្លេចគោលការណ៍ «សងបំណុលជាមុន ហើយវិនិយោគដោយលុយនៅសល់»។

4) សរុបចុងក្រោយ៖ ចំណុចសំខាន់គឺ «តុល្យភាព» ប្រាក់បញ្ញើ/ប្រាក់សន្សំ និងការវិនិយោគ មិនមានជម្រើសមួយណាល្អឥតខ្ចោះទេ តែមាន តួនាទីរៀងខ្លួន៖

គោលដៅខ្លី និងសុវត្ថិភាព → ត្រូវការ ប្រាក់បញ្ញើ/សន្សំ។

បង្កើនទ្រព្យសម្បត្តិរយៈពេលវែង → គួរតែមាន ការវិនិយោគ ផងដែរ។

ចាប់ផ្តើមពី គោលដៅតូចៗ និងការសន្សំទៀងទាត់ ទោះជាលុយតិចក៏ដោយ។ ពេលមានលុយលើសមិនប្រើប្រាស់ សូមពិចារណា សាកល្បងវិនិយោគ ដោយចំណេះដឹង។ នេះគឺជាជំហានដំបូង ដើម្បីកាត់បន្ថយភាពមិនច្បាស់លាស់ហិរញ្ញវត្ថុ និងការគ្រប់គ្រងលុយឲ្យឈ្លាសវៃ។ PPCBank Easy Banking! https://www.ppcbank.com.kh ទូរស័ព្ទមក 023 909 909