តើអំពើបាបគឺជាអ្វី?

ព្រះជាម្ចាស់ដែលកំពុងរងចាំលោកអ្នកកែប្រែចិត្តវិលត្រឡប់មកវិញ បើយើងទៅទីកន្លែងផ្សេងៗនោះយើងនិងឃើញមាន ខ្ទមអ្នកតាជាច្រើន នៅកន្លែងដូចដើមឈើ ទន្លេ វាលស្រែ និង ផ្ទះ មនុស្សជាច្រើនធ្វើ រូបព្រះ ពីថ្ម ឈើ និង ដីឥត ហើយពួកគេជឿជាក់ថាវាជាព្រះព្រមទាំងមានអំណាច ហើយមនុស្សជាច្រើនភ័យខ្លាចចំពោះរូបព្រះ វាគ្រាន់តែជារូបព្រះដែលមនុស្សបានធ្វើប៉ុណ្ណោះ។ តើព្រះជាម្ចាស់ជានរណា? ព្រះជាម្ចាស់ជាព្រះពិត និងមានព្រះជន្មរស់តែមួយអង្គគត់¹ ដែលគ្មានកំណត់ខាងឯរួបរាង និង ភាពគ្រប់ល័ក្ខណ៍² ជាវិញ្ញាណបរិសុទ្ធ³ មិនអាចមើលឃើញគ្មានរូបរាងកាយ⁴ ឬផ្នែកផ្សំផ្សេងៗ ឬ តណ្ហាឡើយ⁵ ទ្រង់មិនផ្លាស់ប្តូរ⁶ គ្មានកំណត់ខាងឯ⁷ ទីកន្លែង ដែលទ្រង់គង់⁸ មានភាពអស់កល្ប⁹ មិនអាចរកយល់បាន¹⁰ មានគ្រប់ព្រះចេស្តា¹¹ មានប្រាជ្ញាញ្ញាណបំផុត¹² បរិសុទ្ធបំផុត¹³ មានសេរីភាពបំផុត¹⁴ ពេញលេញបំផុត។¹⁵ ទ្រង់ធ្វើការសព្វសារពើ ទៅតាមព្រះតម្រិះ នៃ បំណងព្រះហឫទ័យរបស់ទ្រង់¹⁶ និង បរិសុទ្ធរបស់ទ្រង់

ដែលសម្រាប់​ ជាសិរីរុងរឿងផ្ទាល់អង្គទ្រង់¹⁷ ទ្រង់ប្រកបដោយ សេចក្តីស្រឡាញ់បំផុត¹⁸ ប្រកបដោយព្រះគុណ កី្ដមេត្តាករុណា សេចក្តីអត់ធ្មត់ មានជាបរិបូរណ៍ នូវសេចក្ដីល្អ និង សេចក្ដីពិត ទ្រង់អត់ទោសការទុច្ចរិត ការរំលង និង អំពើបាប¹⁹ ទ្រង់ផ្តល់រង្វាន់ ដល់ អស់អ្នកដែលខិតខំស្វែងរកទ្រង់²⁰ ហើយជាមួយគ្នានោះដែរ​ ទ្រង់យុត្តិធម៌បំផុត និង គួរឲ្យខ្លាច នៅក្នុងការជំនុំជំរះរបស់ទ្រង់²¹ ទ្រង់ស្អប់អស់ទាំងអំពើបាប²² ដែលនឹង បោសសំអាតពិរុទ្ធភាព ទាំងអស់ដោយមិនលើកលែង។²³ ព្រះទ្រង់មានគ្រប់ទាំងជីវិត²⁴ សិរីរុងរឿង²⁵ ការល្អ²⁶ ព្រះពរ²⁷ នៅក្នុងទ្រង់ និង ជារបស់ទ្រង់ហើយ ទ្រង់តែមួយអង្គឯងដែល នៅក្នុងទ្រង់​ និង ចំពោះទ្រង់គឺមានគ្រប់គ្រាន់ទាំងអស់ ទ្រង់មិនត្រូវការស្នាព្រះហស្ថណានោះទេ²⁸ ក៏មិនទាញយកសិរីរុងរឿង ពីពួកគេដែរ ប៉ុន្តែ មានតែសំដែងនូវសិរីរុងរឿងរបស់ទ្រង់ ទៅលើពួកគេវិញ។²⁹ ទ្រង់តែមួយអង្គគត់ដែលជាប្រភពនៃសព្វសារពើទាំងអស់ ហើយសព្វសារពើទាំងអស់មាន នៅជារបស់ទ្រង់ ដោយសារទ្រង់ សម្រាប់ទ្រង់³⁰ ទ្រង់មានអំណាចត្រួតត្រាដ៏មានអធិបតេយ្យភាពបំផុត លើពួកគេ ដើម្បី នឹង ធ្វើកិច្ចការ ណាក៏បានដោយសារពួកគេ សម្រាប់ពួកគេ ឬទៅលើពួកគេ តាមតែទ្រង់សព្វព្រះហឫទ័យ³¹ នៅចំពោះ ព្រះនេត្រទ្រង់ សព្វសារពើទាំងអស់ គឺនៅជាចំហរនិងបង្ហាញអោយឃើញ³² ចំណេះដឹងរបស់ទ្រង់ នោះគ្មានកំណត់ គ្មានកំហុសសោះ ហើយឯករាជ្យពីស្នាព្រះហស្ថទ្រង់³³ ដូច្នេះហើយចំពោះទ្រង់ នោះគ្មានអ្វីណា ដែលមានភាពចៃដន្យ ឬ ​មិនប្រាកដប្រជានោះទេ។³⁴

ទ្រង់បរិសុទ្ធបំផុតនៅក្នុងគ្រប់ទាំងព្រះតម្រិះទ្រង់ ក្នុងគ្រប់ការរបស់ទ្រង់និងក្នុងគ្រប់ទាំងព្រះរាជបញ្ជារបស់រទ្រង់³⁵ ទ្រង់ សាកសម នឹង ទទួលការថ្វាយបង្គំ ការបំរើ និង ការសា្ដប់បង្គាប់ ទាំងឡាយណាដែលទ្រង់សព្វព្រះហឫទ័យ នឹង ទាមទារពីទេវតា និងមនុស្ស និង គ្រប់ទាំងសា្នព្រះហស្ថទ្រង់ទៀត។³⁶ ក្នុងការរួបរួមនៃអង្គព្រះ នោះមានបុគ្គលបីដែលមាន សាធាតុ ព្រះចេស្តា និង ភាពអស់កល្បស្មើគ្នា គឺ ព្រះវរបិតា ព្រះរាជបុត្រា និងព្រះវិញ្ញាណបរិសុទ្ធ។³⁷ ព្រះវរបិតាមិនត្រូវបានបង្កើត ឬ បញ្ចេញពីអង្គណាឡើយ ព្រះរាជបុត្រា គឺ ត្រូវបានបង្កើតដោយព្រះវរបិតា តាំងពីអស់កល្ប³⁸ ព្រះវិញ្ញាណបរិសុទ្ធចេញពីព្រះវរបិតា និង ព្រះរាជបុត្រា តាំងពីអស់កល្ប។³⁹

¹(ចោទិយកថា6:4 ; 1កូរិនថូស8:4,6 ; 1ថែស្សាឡូនិច1:14 ; យេរេមា10:10) ²(យ៉ូប11:7-9; 26:14) ³(យ៉ូហាន4:24) ⁴(1ធីម៉ូថេ1:17) ⁵(ចោទិយកថា4:14-16; យ៉ូហាន4:24; លូកា24:39) ⁶(កិច្ចការ14:11,15) ⁷(យ៉ាកុប1:17; ម៉ាឡាគី3:6) ⁸(1ពង្សាវតារក្សត្រ8:27; យេរេមា23:23-24) ⁹(ទំនុកដំកើង90:2; 1ធីម៉ូថេ1:17) ¹⁰(ទំនុកដំកើង145:3) ¹¹(លោកុប្បត្តិ17:1; វិវរណៈ4:8) ¹²(រ៉ូម16:27) ¹³(អេសាយ6:3 ; វិវរណៈ4:8) ¹⁴(ទំនុកដំកើង115:3) ¹⁵(និក្ខមនំ3:14) ¹⁶(អេភេសូ1:11) ¹⁷(សុភាសិត16:4; រ៉ូម11:36) ¹⁸(1យ៉ូហាន4:8,16) ¹⁹(និក្ខមនំ34:6-7) ²⁰(ហេព្រើរ11:6) ²¹(នេហេមា9:32-33) ²²(ទំនុកដំកើង5:5-6) ²³(ណាហ៊ុម1:2-3; និក្ខមនំ34:7) ²⁴(យ៉ូហាន5:26) ²⁵(កិច្ចការ7:2) ²⁶(ទំនុកដំកើង119:68) ²⁷(1ធីម៉ូថេ6:15; រ៉ូម9:5) ²⁸(កិច្ចការ17:24-25) ²⁹(យ៉ូប22:2-3) ³⁰(រ៉ូម11:36) ³¹(វិវរណៈ4:11; 1ធីម៉ូថេ6:15; ដានីយ៉ែល4:25,35) ³²(ហេព្រើរ4:13) ³³(រ៉ូម11:34-35,ទំនុកដំកើង147:5) ³⁴(កិច្ចការ15:18, អេសេគាល11:5) ³⁵(ទំនុកដំកើង147:17; រ៉ូម7:12) ³⁶(វិវរណៈ5:12-14) ³⁷(1យ៉ូហាន5:7; ម៉ាថាយ3:16-17; 28:19; 2កូរិនថូស13:13) ³⁸(យ៉ូហាន1:14-18) ³⁹(យ៉ូហាន15:25; កាឡាទី4:6)

សូមចុចអានអំពីសេចក្តីអធិស្ឋាន